Чыланат тоштерышке. Лишыл жапыште элнан чыла тоштерже калыклан шке омсажым почеш. Да тыглай жапыште огыл, а пычкемыш кастене. Шушаш шуматкечын «Тоштерыште йӱд» Российысе акций лиеш. Йошкар-Ола тений тушко 19-ше гана ушна. Тиде ганат рӱдоласе ик тоштерат ты пайрем деч шенгелан огеш код. Тимофей Евсеев лӱмеш калыкле тоштер комплексын чыла 7 музейже калыклан оҥай программым ямдыла. Мастарлык класс да тӱрлӧ ончер чыла тӱрлӧ ийготлан келыштаралтеш.