Тений – икымше. Руэмысе врачебный амбулаторийыште 2026 ийыште икымше земский доктор пашам тӱҥалын. Тиде Олеся Кузнецова. Республикысе тазалыкаралтыш министерстве «Земский доктор» ден «Земский фельдшер» программе-влак почеш тенийлан медицине пашаеҥ-влак должность переченьым рашемден. Палемдыман, программе-влак «Продолжительная и активная жизнь» нацпроектын «Медицинские кадры» программыжын ужашыже улыт. Темым Кристина Быкова шуя.