Йошкар-Олаште уремлам олмыктат. Специалист-влак теле деч вара лекше экшыкым кораҥдаш пижыныт. Эн ондак кугу тӱткыш – автомашина-влакын ик эн чӱчкыдын кудалыштме участкыштлан ойыралтеш. Тачеш Гоголь, Пушкин, Вознесенский уремлам, Сеҥымаш да Чавайн бульвар-влакым олмыктымо. Кызыт тыгай паша Йыван Кырла уремыште шукталтеш. Чылаже тений кеҥежым 16 корно участкым олмыкташ палемдыме. Ты пашам лучко наре технике, кок пашазе бригаде шукташ тӱҥалеш.