Нуно эре ончылно лийыныт! Марий комсомол организацийым ыштымылан тений 105 ий темын. Тидын лӱмеш Йошкар-Олаште пайремле мероприятий эртен. Тушко комсомол организацийын ветеранже, «Движение Первых» толкынын еҥже, школышто тунемше-влак погыненыт. Комсомол-влак чоҥымаште, калык озанлык пашаште тыршеныт. Нуно патриот шӱлышеш кушкыныт да шочмо элым йӧраташ изирак шольо-шӱжарыштымат туныктеныт. Элнам нӧлтымаште комсомол-влак келге кышам коденыт.