Урал мланде марий йылме лагерьым вашлияш ямдылалтеш. Тений Марий йылме лагерь 20 гыч 25 июль марте Свердловск область Красноуфимск районышто лиеш. Тудым Ленинград областьысе марий-влакын «Ший корно» калыкле-тӱвыра автономийышт эртара. Организатор-влак палемдат: лагерьын программыже молгунамсе семынак оҥай лиеш. Тений тышке Моско, Санкт-Петербург, Екатеринбург, Уфа, Бирск, Набережные Челны, Йошкар-Ола да моло кундем гыч 20 еҥ марте ушнышаш.