Медицине мастарлыкым ончыктен, Республикыште икымше лийын. Мутем Медведево рӱдӧ эмлымверыште хирургий отделенийыште тыршыше кугурак медшӱжар Наталия Кузнецова нерген. «Кыдалаш медицине да фармацевт шинчымаш дене эн сай специалист» Россий кӱкшытан конкурсын регионысо этапыштыже сеҥыше медицине пашаеҥ дене коллегем-влак паша верыштыже вашлийыныт.