Тӱрлӧ кундемыштат калык-влак келшен илат. Санкт-Петербург олаште да Ленинград областьыште илыше марий-влак «Пеледыш пайремым» палемденыт. Тений «Пеледыш пайрем» Чуваш калыкын «Акатуй» пайремже дене пырля эртен. Программе моткоч кумда лийын. Толшо-влаклан тӱрлӧ мастарлык классым, ярмиҥгам да концерт программым ямдыленыт. Пайрем ятыр усталык коллективым пырля ушен. Нунын радамыште – «Югорно», «Юлавий», Марий Эл гыч «Марий памаш» анасамбль да молат.