Чолга да пашаче марий самырык тукым 18-ше гана чумырга. Тений Россий кӱкшытан Марий самырык тукым слёт Йошкар-Олаште, Калыкле сымыктыш гимназий пелен лиеш. Тудо 6 гыч 11 июль марте шуйна. Кызыт организатор-влак программым ямдылат, организаций йодышым рашемдат. Ончылгоч палемдыме почеш, программе моткоч поян лийшаш. Слётын пашаже Российысе калык-влакын икоян улмо идалыкыштлан пӧлеклалтеш.