Пушеҥгын вийже – вожышто, калык-влакын – келшымаште. Йошкар-Олаште «Моя зелёная Россия» сотемдарыше-патриот акций эртен. Тушко Российысе калык-влак ассамблейын Марий Элысе пӧлкажын еҥже-влак, тыгак мер ушем, волонтёр, студент да школышто тунемше-шамыч ушненыт. Участник-влак Сеҥымаш паркыште пызлым шынденыт. Тыге акцийыш ушнышо-влак паркысе кумдыкым тӱзатеныт да калык-влак кокласе келшымаш, икоян лийме нерген ушештареныт.