Тӱвыра инициативын президентский фондшо июнь мучаш марте грантлан йодмашым налеш. Шонымашым сай продуктыш савыраш да тудлан грантым налаш проект офисын экспертше-влак полшаш ямде улыт. Марий Элыште проект офис кок тылзе ончыч шке пашажым тӱҥалын. Тудо Йошкар-Оласе Актер пӧртыштӧ верланен. Проектым возен моштымо мастарлык – тачысе илышын ик йодмашыже. Тӱшка занятийыште проектын кӱлешлыкшым, бюджетым да моло шӧрыным лончылат. Индивидуальный занятий-влакат улыт.