Школышто тунемшын пашам ышташ кумылжо уло гын, тидлан «Работа России» кадр рӱдер полша. «Содействие занятости населения на 2013-2030 годы» Марий Эл Республикын кугыжаныш программыже почеш ийготыш шудымо йоча-влаклан каникул жапыште пашам муаш йӧн уло. Мут толмашеш, кеҥежын икымше кечылаж гычак Шернур кундемыште экологический отряд пашам ыштен. Ӱдыр-рвезе-влак дене мемнан съёмочный группына вашлийын.