Марий книга савыктыш «Читающая Россия» проектышке ушнен. Идалык мучко республикысе книгагудылаште поэт, писатель-влак дене вашлиймашым, книга презентаций-влакым эртарат. Российысе книга фестиваль ден ярмиҥгалаштат у савыктыш-влак дене палдарат. Пытартыш тылзылаште гына шуко вере лийыныт. Ижевскыште эртыше «Книга года» фестиваль-конкурсыш миеныт. Диплом-влакым конденыт. Тылеч вара Башкортостаныште эртаралтше «Китап-Байрам» книга ярмингаште 4 номинацийыште сеҥеныт.