У тунемме идалык - уэмдыме школ. У Торъял округысо Совет Ушем Герой Михаил Лебедевын лӱмжым нумалше Немда-Овалже ялысе школым капитально тӧрлат. Тиде пашам «Молодежь и дети» нацпроект почеш шуктат. У тунемме ий марте объектыште чыла пашам мучашлышаш улыт. Тыгак ты кундемыште «Инфраструктура для жизни» нацпроект дене корным тӧрлат. Тушко мемнан съемочный группына миен.