Выпускник-влакым саламлена. Тургыжландарыше тат шеҥгелан кодын. Кугыжаныш иктешлыше экзамен кампаний иктешлалтын, манаш лиеш. Кодшо ий дене таҥастарымаште тений 100 баллан кучышо-влак кок пачаш шукемыныт. 40 утла тунемше 100 баллым поген. Нунын кокла гыч 5 выпускникше кок предмет дене иканаште кӱкшӧ баллан результатым ончыктен. Нуно «Мегатех», Политехнический, Йошкар-Оласе 11-ше номеран лицей-влак, Шуко профилян лицей-интернат гыч улыт.