Икымше июльышто Боевой действийын ветеранже-влакын кечышт. Тидлан пӧлеклалтше мероприятий-влак республикын районлаштыже эртеныт. Тиде кече Марий Элыште регион вуйлатыше Юрий Зайцевын указше почеш 2023 ийыште официальный статусым налын. Тачысе кечын специальный военный операцийын участникше-влак герой-шамычын корныштым шуят. Нунын илыш опытышт, мудреч да эллан ӱшанле улмышт – Российыште илыше кажне еҥлан пример. Тачысе кечын спецоперацийыште улшо боец-влаклан кугыжаныш могырым тӱрлӧ полыш ойыралтеш. Нуно самырык тукымым патриотизм шӱлышеш кушташ полшат.