Уэш бард-мурызо-влакым чумыра. Мутем «Какшан сер ӱмбалне» фестиваль нерген. Тений тудо «Кугарня» газетын 35 ияш лӱмгечыжлан пӧлеклалтеш да 7 августышто «Чарла Кремльыште – книга пайрем» кышкарыште эртаралтеш. 4-ше бард-фестиваль шке семым возышо да гитар, моло семӱзгар почеш мурышо-шамычым чумыра. Конкурсышто кум номинаций: автор-исполнитель, исполнитель-солист, дуэт-ансамбль. Сеҥышылан тӱҥ призым, гитарым, кучыктат.