Верысе калыкын инициативыже кундемым тӱзата. Марий Эл Вуйлатышын проектше почеш кызыт 2027-ше ийлан тӱзатышаш верлан йодмашым погат. Илымверым тӱзатыме шотышто проектым 15 сентябрь марте кажне кумылан еҥ пуэн кертеш. Ты проект полшымо дене корным ачалыме, уремым волгалтарыме але йоча площадкым ыштыме паша шукталт кертеш. Программын кузе пашам ыштымыжым Советский районысо Кужмарий ял шотан илем пеҥгыдемда.