Йошкар-Олаште – книга фестиваль. Тений тудо кокымшо гана эртаралтеш да 7 гыч 9 август марте шуйна. Ӱмаште ты фестивальыш 10 регион гыч 12 книга савыктыш ушнен гын, тений пайремын географийже кумдаҥшаш. Кум кече жапыште участник-влакым тӱрлӧ мероприятий, мастарлык класс, книга презентаций, экскурсий, автограф-сессий, ярминга, йыргешке ӱстел, писатель дене вашлиймаш-влак да кумда тӱвыра программе вуча. Тылеч посна фестиваль кышкарыште книгам лукмо, тудым шаркалыме йодышым лончылат.