Самырык тукым - эрласе кечын ӱшанже. Йошкар-Олаште 18-ше Россий кӱкшытан марий самырык тукым слёт шке пашажым мучашлен. Тений тудо Йошкар-Олаште, Калыкле сымыктыш гимназий пелен эртен. Паша кышкарын ик эн кугу ужашыже тунеммашлан пӧлеклалтын. Арня жапыште ӱдыр-рвезе-шамыч «Проект паша», «Демографий», «Туризм» да «Марий йылме цифровизаций» секцийлаште шке шинчымашыштым пойдареныт.