Йошкар-Олаште Майоров-Шкетан лӱмеш Марий кугыжаныш драме театрыште олмыктымо паша кая. Икымше этап 2020 ийыште, Марий Элын 100 ияш лӱмгечыжлан ямдылалтме да тудым эртарыме кышкарыште шукталтын. Кызыт олмыктымо пашан кокымшо этапше: зданийын фасадшым, леведышым, гримёрко, администраций пӧлемым, цехым, окна да омса-влакым уэмдат. Тыге, ончышо да театр пашаеҥ-влаклан сай паша условий ышталтеш.