Мемнан республикыштына В.Д. Поленов лӱмеш Российысе калык усталык пӧртын да Марий Элысе калык усталык рӱдерын специалистше-влак 8 кечаш фольклор-этнографий экспедицийыште лийыныт. Марий калыкын материальный огыл тӱвыра поянлыкшым погеныт, лектыш дене пресс-конференцийыште палдареныт. Фольклор да этнографий материалым погаш Кужеҥер, Звенигово, Морко районлаш миеныт.