Республикыште СВО участник да нунын ешыштлан 120 утла тӱрлӧ полыш уло. Тичмаш перечньым умылаш, кӱлеш полышым ойыраш, кузе тудлан йодмашым пуаш да могай документым погаш социальный координатор-влак полшат. Нуно Элым аралыше-влакын фонд филиал пелен пашам ыштат. Соцкоординатор-влак чыла районышто 3 ий ончыч пашам тӱҥалыныт, СВО-н участникше да нунын ешыштлан кӱлеш полышым темлат.