Тазалыкым шке илымвер кумдыкыштак тергаш йӧн уло. Тидым республикыште икмыняр ий пашам ыштыше «Здоровая республика» лӱман проект почеш ышташ лиеш. Тудо Республик Вуйлатыше Юрий Зайцевын кӱштымжӧ почеш илышыш шыҥдаралтеш. Тачысе кечылан медицине полышым 60 тӱжем утла еҥ налын. Специалист-влак эн ончыч тораште верланыше яллаш лектын коштыт. Черетан «Тазалык кече» Приволжский посёлкысо амбулаторийыште эртен.