Курыкмарий кундемын шочшыжо, специальный сарзе опеарцийын ветеранже Андрей Замятин Россий кӱкшытыштӧ республикын чапшым арала. Тудо «Возвращение» премийын участникше. Тыгак «Лучший по профессии. Второй старт» конкурсын финалжылан ямдылалтеш. Андрей Замятин 2022-шо ийыште октябрьыште мобилизаций почеш повесткым налын. Тунам тудо «Земский учитель» программе почеш Ростовский областьыште пашам ыштен. Туныктымо пашам коден, Андрей Замятин Ачамландым аралаш каен. Позывнойжо «Пионер» лийын.