Республик Вуйлатышын темлыме «Инициативы жителей» проект илыме верым тӱзаташ полша. Ты программыш тачысе кажне кумылан еҥ ушнен кертеш. 15 сентябрь марте 2027-ше ийыште тӱзатышаш кумдыклан йодмашым погат. Илышыш пуртымо проектын примерже семын Медведево районысо Юбилейный посёлкым кондаш лиеш. Тушто Специальный сарзе операцийыште вуйым пыштыше боец-влаклан мемориалым почыныт.