Шарнат да тауштат. Советский районысо Эҥермучаш ялыште Кугу Ачамланде сарын участникше да тылын труженикше-влаклан стеле-памятникым почыныт. Сарыш тиде изи ял гыч 34 еҥ каен. Тышеч 20 салтакше пӧртылын огыл. Герой-влакым шарныме лӱмеш ял калык шке надыр дене мемориалым ыштен. Тудым Ӱшнӱр селасе храмын настоятельже святитлен. Памятникым почмо кече Эҥермучаш ялыште шочшо-влаклан кугу пайрем лийын.