Республикысе спортсмен-влак физкультурникын кечыжым палемденыт. 8 августышто пайрем икмыняр площадкыште эртен. Програмыште куштылго атлет-влакын забегышт, ГТО эстафета, баскетбол дене препятствий полоса, мечым таптымаш, канатым шупшмаш да молат лийын. Рӱдӧ пляжыште спортын пляжный видше дене таҥасымаш-влак эртеныт. Ик эн тӱҥ площадке Марий паркыште верланен. Тушко мийыше-влак фиджитал бокс дене палыме лийын кертыныт. Тиде компьютер модышым йӧратыше-влаклан виртуальный таҥасымаш.