Йошкар-Ола 442 ияш шочмо кечыжым кумдан палемден. Российыште увертарыме калык-влакын икоян улмо идалык кышкарыште Ленин лӱмеш площадьыште калык келшымаш фестиваль эртаралтын. Тушто Республикыште илыше тӱрлӧ калык шке йӱлаже, историйже дене палдарен. Тидлан площадьыште калык-влакын ыштыш-кучышыштым палдарыше ончер, калык кочкыш дегустаций, мастарлык класс, мурымаш-куштымаш, концерт лийын.