Уремыште – август, йоча-влакын кеҥеж канышышт мучашке лишемеш. Школ пелен чумырымо лагерь-влак июнь тылзыште пашам ыштеныт гын, ола воктенысе лагерь-влак августышто шке пашаштым умбакыже шуят. Тений кеҥежым Марий Элысе лагерьлаште 17 тӱжем утла йоча канен. Ты тургымышто йоча каныш шотышто 200 тӧнеж пашам ыштен. Статистике ончыкта: ятыр йоча ты кеҥежым коча-кова дене ялыште канен. Кеҥеж эше мучашлалтын огыл, йоча-влакын пытартыш каныш кечылаштым кузе пайдалым ышташ лиеш? Темлымашым психолог Валентина Ешеева пуа.