«Мама – предприниматель» программыш ушнышо ӱдырамаш-влак шке пашаштым вияҥдат. Ушештарем, ты программе «Эффективная и конкурентная экономика» нацпроект кышкарыште эрта. Ава-влак вич кече тӱрлӧ тунеммаш ден мастарлык класслаште лийыныт. Шке проектыштым араленыт. Программыште участвоватлымаш нунылан могай пайдам пуэн? Шонымашышт шукталтын але уке? Программын участникше-влак дене мемнан корреспондентна Надежда Пекасова вашлийын.