«Школа фермера» проектын у тургымжо тӱҥалеш. Тудо Российын икмыняр регионыштыжо пашам ышта. Марий Элыштат тиде паша удан огыл кая. Кок ий ончыч тиде школышко передовой гыч пӧртылшӧ СВО-н ветеранже-влакат ушненыт. Нуным фермер пашалан туныктымаш таче ик эн тӱҥ виктышышке савырнен. Туныктымо программым кум тылзылан ыштыме. Теорийым дистанционный формат дене тунемаш йӧн уло. Тидлан 150 шагат ойыралтеш. Теорий деч вара республикысе агропредприятийлаште тунемаш тӱҥалыт. Практик пашалан 100 шагатым ойырат. «Школа фермера» проектын эн тӱн шонымашыже – тиде СВО-н ветеранже-влаклан тунем лекме нерген документым гына огыл, а ямде, пашам ыштыше бизнес-планым пуаш.