«Марла лудына» онлайн марафоныш ушнена. Тидлан Марла произведенийым лудмым видеош войзен колтыман. Палемдена, онлайн-марафон 2025 ийыште тӱҥалтышым налын. Тиде ынде кудымшо марафон. Тудо тӱрлӧ кундемла гыч лудшым уша. Тӱшкан лудмашын географийже эре шарла. Марафонын йодмашыже кажне гана тӱрлӧ. Ондак тудо 21 кече шуйнен гын, кызыт – шымыт. Тиде гана организатор-влак школ программыш пурышо лудшаш материалым шке темлаш тӱҥалыт.