Тазалыкым поликлинкыш кайыде тергаш сай йӧн. Рӱдолаште мобильный тазалык пункт-влак график почеш пашам ыштат. Верлашке лекше медик-влак анализым налыт, тазалыкын икмыняр показательжым аклат. Кӧлан тазалыклан але ийготлан кӧра врач деке миен шуаш неле, нунылан тиде поснак йӧнан. Эртыше кечылаште мобильный пункт 9-ше микрорайонышто верланыше ужалыше рӱдер воктене пашам ыштен.