У тунемме идалык тӱҥалын. Тений Марий Элыште парт коклаш 83 тӱжемат 500 наре тунемше шинчын, ты радамыште 6 тӱжем утла ӱдыр-рвезе икымше классыш толын. Йоча-влак 248 школышто шинчымашым погаш тӱҥалыныт. Республикысе индеш школыш земский 10 туныктышо пашаш толын. Тений кундемыште 16 школым капитально тӧрленыт. Пайрем линейке-влак кажне тунемме верыште эртаралтыныт. Марий Элын вуйлатышыже Юрий Зайцев Медведево районысо Новый поселкысо У Арбан школыш миен.