Калык-влакын келшымаш пӧртыштышт тӱвыра пашаеҥ-влак дене вашлиймаш эртен. Нунын коклаште земский тӱвыра пашаеҥ-влакат лийыныт. Тений Марий Эллан тиде программе дене 20 квото ойыралтын. Нине специалист-влак дене ойпидышым ыштеныт. Хореограф ден методист, сӱретче ден концертмейстер да моло тӱвыра специалист республикынан 11 районыштыжо тыршаш тӱҥалыт. «Земский работник культуры» программе илышышке кодшо ийын шыҥдаралтын.