Кеч тоштерыш, кеч театрыш – Пушкин карт дене. Марий Элыште Пушкин карт дене пайдаланыше-влакын чотышт кушкын толеш. Сентябрьыште ты программылан 5 ий лийын. Август мучашлан Марий Элыште пайдаланыше-шамычын чотышт 42 тӱжем еҥ марте кушкын. Идалык тӱҥалтыш гыч 17 миллион теҥге утлалан 38 тӱжем утла билетым ужалыме. Таче Марий Эл мучко «Пушкин карт» программе почеш 78 тӱвыра тӧнеж пашам ышта. Нуно выставке, концерт, кинопоказ, спектакль, экскурсийлашке ӱжыт, кумда афишым темлат. Проект почеш чолган пашам ыштыше тӧнеж-влак кокла гыч Тимофей Евсеев лӱмеш Калыкле тоштерым палемдаш лиеш.