Марий Элын кубокшо верч таҥасеныт. Йошкар-Олаште панкратион дене таҥасымаш эртен. Российын 4 регионжо гыч 18 клуб шке вийжым терген. Нуно Татарстан, Чуваший, Удмурт, Марий Эл Республикыла гыч лийыныт. Марий Элын кубокшо верч чылаже 166 спортсмен таҥасен. Турнирыште рвезе-влак веле огыл, тыгак ӱдыр-влакат ӱчашеныт. Жюри спортмен-влакым тӱнямбал кӱкшытан правил почеш аклен.