«Пушкин карт» самырык еҥ-влаклан у йӧным почеш. Тений ты программылан 5 ий темын. 2021 ий гыч Марий Элыште тудын полшымыж дене самырык еҥ-влак 470 тӱжем наре билетым налыныт. Тачысе кечын «Пушкин карт» дене олаште веле огыл пайдаланат, райрӱдӧ да яллаштат тудым чолган кучылтыт.
Культура.рф портал палемда: организатор-влак кумда афишым темлат. Тачысе кечын республикыште ты программе почеш 78 тӱвыра тӧнеж пашам ышта: 24 тӱвыра пӧрт, 17 тоштер, 19 книгагудо, 10 кинотеатр да 6 театр.