Йошкар-Олаште Марий Элысе Кугыжаныш Погын Президиумын да «Муниципал образований-влак каҥаш» ассоциацийын заседанийышт эртен. Повестке дене келшышын, икмыняр йодышым ончымо. Тӱҥжӧ – избиратель-влакын наказыштым шуктымаш да район-влакым округыш кусарымаш. Тылеч посна, заседанийын еҥже-влак пелияш паша лектышым иктешленыт, вашкыл программын вияҥмыже, верысе кучем орган-влакын депутат-шамыч дене чак пашам ыштымышт нерген мутланеныт.