Машинам виктарет? Тугеже "Автоледи-2026" конкурсыш ушно. 9 октябрьыште Россий ДОСААФ-ын Марий Элысе пӧлкаже ӱдыр да ӱдырамаш-влаклан "Автоледи" конкурсым эртара. Тушто теорийым палымым, тыгак икымше медицине полышым пуэн моштымымат тергат. Эше автодромышто скоростной маневрированийым эртат. Тений «Автоледи» конкурс ДОСААФ-ын 100 ияш лӱмгечыжлан пӧлеклалтеш. Ты амал дене сеҥыше-влакымат 6 тӱрлӧ номианцийыште палемдат. «Эн самырык участник», «Конкурслан ӱшанле кодмылан» да «Эн эффектный автомобиль» - у номинаций-влак улыт.