«Сосновый бор» санаторийыште СВО-н ветеранже-влак да нунын ешышт реабилитацийым эртат. Тиде программе дене ий еда 100 наре еҥ пайдалана. Нуно эмлалтыт, тыгак тӱрлӧ процедур-влакым эртат. Кажне ветеранлан посна реабилитаций курс. Врач мом темлен, тыгай эмлымашым эртат. Массаж, «инфракрасная сауна» процедур да молат. Реабилитацийым эртыше-влак коклаште марий ӱдырамаш – Морко районын чолга ӱдыржӧ Валентина Тимофеева.