Ӱдыр – тракторист! Тиде кызытсе илышыште ӧрмаш огыл, а нормыш савырныше сӱрет. Советский районысо «Онар» колхозышто 20 ияш самырык ӱдыр тракторист-механизатор сомылым устан шукта. Тений республик кӱкшытан кеҥежымсе ялысе спорт модмашыште механизатор-влакын таҥасымаштышт Анастасия Иванова икымше верыш лектын. Ынде самырык механизатор Марий Элын чапшым Россий кӱкшытыштӧ аралаш тӱҥалеш. Кузе ӱдыр тракторыш шинчын? Молан ты профессийым ойырен? Вашмут «Онар» колхоз гыч кондымо сюжетыште.