«Марий книга издательстве» савыктыш пӧрт вес кундемлаште илыше марий-влак дене пеҥгыде вашкылым ыштымылан кугу тӱткышым ойыра. Пытартыш ийыште гына пашаеҥ-влак Российысе икмыняр регионышко лектын коштыныт. Эртыше кечылаште Татарстанын Агрыз районыштыжо, Бим селаште «Йоҥгалт, гармонь йук» лӱман марий семым йоҥгалтарыше-влакын регион-влак кокласе фестивальышт эртен.