5 кечаш фестиваль мучашлалтын. Режиссёр Василий Пектеевым шарныме лӱмеш «Майатул» фестиваль-конференцийым «Окса тул» комедий дене петыреныт. Арамак огыл тиде постановкым ойырен налыныт. Спектакльым икымше гана 1994 ийыште шынденыт. Василий Пектеевын постановкыжо-влак кокла гыч комедий ик эн йӧратыме лийын. «Майатул» фестиваль-конференций нерген кумданрак – Лира Матвеева.