Кеч ий-влак куржыт, чон ок шоҥгем. Йошкар-Олаште Илалше еҥ-влакын тӱнямбал кечыштым палемденыт. Пайрем Яков Эшпай лӱмеш Марий кугыжаныш филармонийыште эртен. Организатор-влак мастарлык классым ямдыленыт. Марий Эл Вуйлатыше Юрий Зайцев пенсионер, социал аралтыш службын ветеранже, «ший ийготан» волонтёр-шамычым саламлен да эн чолга-влаклан тауштымашан серышым кучыктен.