Талешкым шарныме лӱмеш. Шернур округ Чылдемыр ялыште специальный сарзе операцийыште тыныс илыш верч вуйым пыштыше Александр Михеевым шарныме лӱмеш футбол дене турнир эртен. Палемдыман, футболым йӧратыше-влакын тыгай вашлиймашышт тений кокымшо гана лийын. Кок ий ончыч турнирым эртараш темлымаш дене Александр Михеевын родо-тукымжо, йолташыже-влак лектыныт. Амалже икте: СВО-н участникше шкежат ты кундемын ик эн тале футболистше лийын. Тений футбол пасушто 6 команде вашлийын.