Туныктышо – профессий огыл, а призваний. Ты кечым 1994 ий годсек ЮНЕСКО-н пунчалже почеш палемдат. Таче Марий Элыште туныктыш аланыште 23 тӱжем утла педагог пашам ышта. Черетен сюжетна Волжск округысо Сотнур кыдалаш школын туныктышыжо нерген. Шочмо йылмылан шӱмаҥдымаште туныктышо таче могай нелылык дене тӱкна. Йоча-влакым туныкташ мо кумылаҥда? Вашмутым марий йылмым да литературым туныктышо Надежда Евдокимова пуа.