Педагогике мастарлыкым шуараш Артек полша. Кызыт Крым республикыште Российысе школ команде-влаклан «Педагогике да воспитанийын кӱкшӧ школжо» туныктымо форум кая. Тушко элнан тӱрлӧ регионжо гыч туныктышо, директор да директорын советникше-влак миеныт. Марий Эл гыч Артекышке Медведево районысо Нужъял тӱҥ школын туныктышыжо-влак каеныт. Нунын дене мемнан телеканал кылым ыштен.