Тудын йӱкшӧ уло Юл кундемлан йоҥгаш тӱҥалеш. Мемнан коллегына, корреспондент Алевтина Бокова – «Молодежные медиа ПФО» конкурсын сеҥышыже. 30 сентябрь гыч 2 октябрь марте Самара областьыште самырык журналист, блогер-влакын конкурсышт эртен. Кок кече жапыште тушто «Волга 24» телеканалын тӱҥ редакторжо тележурналист паша нерген утларак палдарен. Участник-влак экзаменым эртеныт. «МЭТР» телеканалын корреспондентше Алевтина Бокова ты конкурсышто икымше лийын. Участник-влаклан «Шке регионышто мо дене мый кугешнем» теме почеш видеовизиткым ышташ, сюжетым сниматлен, постым возен шке лаштыкышке вераҥдаш кӱлын.