Сокыр-влаклан Республикысе книгагудышто «Чтение особого формата» лӱман инклюзивный тифлофестиваль почылтын. Тудым ий еда эртарат. Фестивальын икымше мероприятийже эртен – «Книжный эрудит» тур. Тудым Российысе лудмаш кечылан пӧлекленыт. Участник-влак писатель-влакым да нунын возымыштым шарналтеныт. Моло вес заданий-влакат лийыныт. Кум команде таҥасен. Тифлофестиваль кышкарыште чылаже вич мероприятийым эртараш палемденыт. Лишыл жапыште «Лидер чтения» конкурс лийшаш. Пытартыш мероприятийым 4-ше декабрьыште эртарат.